కే. . నరేష్
కుమార్ ఆరోగ్యజ్యోతి ఎడిటర్ ( 7013260176, 9848025451)
హైదరాబాదు,బ్యూరో (ఆరోగ్యజ్యోతి): హైదరాబాదు నగరం
వైద్యానికి ప్రపంచ వ్యాప్తంగా పేరొందింది.
ఎన్నో రోగాలకు ఇక్కడ చక్కటి వైద్యం లభిస్తుందనే ఆశతో తెలుగు రాష్ట్రాలతో పాటు
ప్రపంచ వ్యాప్తంగా రోగులు హైదరాబాద్ లోని
హాస్పిటల్స్ కు వస్తుంటారు. కానీ హైదరాబాద్ లో ఎన్ని హాస్పిటల్స్ సేఫ్టీ? ఎంతమంది డాక్టర్లు సరైన వైద్యం చేస్తున్నారు? డాక్టర్స్ నకిలియ, ఒరిజినల అంటే కాస్త ఆలోచించాల్సిందే...
ఎందుకంటే హైదరాబాద్ నగరంలో ఇటీవల పోలీసులు నకిలీ డాక్టర్లపై నిఘా పెట్టారు. నకిలీ
ఎంబీబీఎస్ సర్టిఫికెట్లతో పలువురు డాక్టర్లు వైద్యం చేస్తున్నారని గుర్తించారు. వైద్య రోగ్య శాఖా నుండి పర్మిషన్ తీసుకోవాలి అలాగే ఫైర్ స్టేషన్ నుండి ,
మున్సిపల్ నుండి లైసెన్సు తీసుకోవాల్సి
వస్తుంది .ఎంసీఐ నుండి ఎంబిబిఎస్ రిజిస్ట్రేషన్ కోడ్ కొడితే ఆ డాక్టర్ నిజమైన డాక్టర్ అబద్ధపు
డాక్టర్ అన్న విషయం అప్పుడే అర్థం అవుతుంది. అలాగే డిప్లమా డిగ్రీ పీజీ చేసిన
వైద్యుల వివరాలు కూడా ఎంసీఐ లో ఉంటాయి. నెంబర్ ప్రకారం వెబ్సైట్లో కొట్టినట్టు
అయితే ఆ డాక్టర్ సంబంధించిన పూర్తి వివరాలు వెంటనే వస్తాయి.ఎంబీబీఎస్ పూర్తి చేసిన
వైద్య తోపాటు డిప్లమా డిగ్రీ పీజీ చేసిన వైద్యులు వారి వారి సర్టిఫికెట్ నెంబర్
కొట్టినట్లు అయితే పూర్తి వివరాలు వస్తాయి. ఒకవేళ ఆ నంబరు తో సర్టిఫికెట్ పూర్తి
వివరాలు రానట్లయితే ఆ వైద్యుడు బోకాస్ అని చెప్పవచ్చు. కానీ వైద్య ఆరోగ్య శాఖ అధికారులు
మాత్రం తమకేమీ పట్టనట్లు ఇవేమీ చూడకుండానే లైసెన్సులు జారీ చేస్తున్నారు. ఇటివల
పోలీసుల తనికిల్లో 10, 20మంది కాకుండా ఏకంగా 100మందికి పైగా నకిలీ డాక్టర్లను రంగారెడ్డి,
మేడ్చేల్లలో గుర్తించారు.నకిలీ డాక్టర్లు
చిన్న చిన్న క్లినిక్ లతో పాటు హాస్పిటల్స్ ను ఏర్పాటు చేసుకుని ప్రజల ప్రాణాలతో
చెలగాటమాడుతు, రోగులనుంచి అందినట దోచుకుంటున్నారని పోలీసులు తమ తనిఖీల్లో వెల్లడించారు. ఇతర
రాష్ట్రాల నుంచి నకిలీ ఎంబీబీఎస్ సర్టిఫికెట్లు కొనుగోలు చేసి హైదరాబాద్ లో
డాక్టర్లుగా చెలామణి అవుతున్నాని పోలీసులు.. వైద్య శాఖ అధికారులు గుర్తించారు.
లాక్ డౌన్ సమయంలో పోలీసులకు కరోనా సలహాదారుగా వ్యవహరించాడని తెలిసిన పోలీసులు షాక్
అయ్యారు.ఢిల్లీకి చెందిన సునీల్ అనే ఎడ్యుకేషనల్ కన్సల్టెంట్ ద్వారా తేజ, షాబాద్ కు చెందిన రాంరెడ్డి అనే వ్యక్తి నకిలీ డాక్టర్ సర్టిఫికెట్లు పొందారని
పోలీసులు తెలిపారు. వీరికి చత్తీస్గఢ్ యూనివర్సిటీ తరఫున ఎంబీబీఎస్ సర్టిఫికెట్లు
కొన్నట్లుగా తెలిపారు.ఈ నకిలీ డాక్టర్ల గురించి మేడిపల్లి పోలీస్ ఇన్ స్పెక్టర్
బి.అంజిరెడ్డి మాట్లాడుతూ..రూ.40 వేలు ఇస్తే నకిలీ ఎంబీబీఎస్ సర్టిఫికెట్ ఫొటోకాపీ
ఇస్తామని..అదే మరో రూ.2 లక్షలు ఇస్తే.. అసలైన నకిలీ సర్టిఫికెట్ ను పంపించే విధంగా
తేజ ఆ ఎడ్యుకేషనల్ కన్సల్టెంట్ తో ఒప్పందం కుదుర్చుకున్నాడని తెలిపారు.పోలీసులు
ఢిల్లీలో ఉన్న ఎడ్యుకేషనల్ కన్సల్టెంట్ సునీల్ ను అరెస్ట్ చేయడంతో అనేకమందికి
నకిలీ ఎంబీబీఎస్ పట్టాలు విక్రయించిన విషయం వెలుగులోకి వచ్చింది. దీనిపై ఆరోగ్య
శాఖ అధికారులు విచారణకు ఆదేశించగా..ఇటువంటి నలికీ ఎంబీబీఎస్ లు 100 మంది వరకు
ఉన్నట్టు తేలింది. ఈ విషయం వెలుగులోకి రావటంతో నగరవాసులతో పాటు వైద్యం కోసం
హైదరాబాద్ వస్తున్న రోగులు..వారి తరపు బంధువుల కూడా భయాందోళనలకు గురవుతున్నారు.