- జిల్లా మలేరియా నివారణ అధికారి డాక్టర్ ఎం శ్రీధర్
జైనథ్ ,ఆదిలాబాద్ (ఆరోగ్యజ్యోతి): గ్రామాల్లో ప్రతీ వారం క్రమం తప్పకుండా పారిసుద్యంపై పనులు చేయించ వలసిన బాధ్యత మన అందరిపై ఉందని జిల్లా మలేరియా నివారణ అధికారి డాక్టర్ శ్రీధర్ అన్నారు. బుధవారం నాడు మండలంలోని గిమ్మ ప్రాథమిక ఆరోగ్య కేంద్రాన్ని ఆయన ఆకస్మికంగా తనిఖీ చేశారు .ముందు రికార్డులను పరిశీలించిన అనంతరం సిబ్బందితో సమావేశం నిర్వహించారు. ఈ సందర్భంగా ఆయన మాట్లాడుతూ ఇమ్యునైజేషన్ క్రమం తప్పకుండా చేయించాలని సూచించారు .గర్భవతులను నమోదు చేయలని దీనిద్వారా వారికి ప్రభుత్వం ఇచ్చే సహకారంతో పాటు కేసీఆర్ కిట్ కూడా ఉచితంగా అందుతుందని ఈ సందర్భంగా సిబ్బందికి ఆయన తెలియజేశారు. అన్ని రికార్డులు సక్రమంగా పూర్తి చేయాలని సిబ్బందికి సూచించారు. పారిశుద్ధ్యం చేయించడం వల్ల మలేరియా డెంగ్యూ అతిసార వంటి వ్యాధులు ప్రబలకుండా ఉండేందుకు అవకాశాలు ఉన్నాయని సిబ్బంది తెలిపారు.వర్షాకాలం కావడం వల్ల పూర్తి జాగ్రత్తలు వహించాలని గ్రామాల్లో ప్రతి ఒక్కరికి పారిశుద్ధ్యంపై అవగాహన కల్పించాలని తెలిపారు. ఈ కార్యక్రమంలో ఎ. అనిల్ కుమార్,అరుణ్ తదితరులు పాల్గొన్నారు.
