హైదరాబాద్‌(ఆరోగ్యజ్యోతి): రాష్ట్రంలో శుక్రవారం 1640 కరోనా పాజిటివ్‌ కేసులు నిర్ధారణ అయినట్లు వైద్య, ఆరోగ్యశాఖ తెలిపింది. ఇందులో ఒక్క గ్రేటర్‌ హైదరాబాద్‌ మున్సిపల్‌ కార్పొరేషన్‌ పరిధిలోనే 683 నమోదయ్యాయి. ఇప్పటి వరకు రాష్ట్రంలో 52,466 కరోనా పాజిటివ్‌ నిర్ధారణ కాగా, వైరస్‌ ప్రభావంతో ఇవాళ 8 మంది మృతి చెందగా, మొత్తం మరణించిన వారి సంఖ్య 447కు చేరింది. ఇవాళ 445 మంది వైరస్‌ నుంచి కోలుకొని ఇళ్లకు వెళ్లగా, మొత్తం 40334 మంది డిశ్చార్జి అయ్యారు. మరో 11,677 మంది దవాఖానల్లో చికిత్స పొందుతున్నారు. శుక్రవారం 15,445 మందికి కొవిడ్‌-19 పరీక్షలు చేయగా, ఇప్పటి వరకు 3,37,771 మందికి టెస్టులు చేసినట్లు పేర్కొంది.
