మహారాష్ట్ర : కరోనా వైరస్‌ మహారాష్ట్రలో తీవ్ర రూపం దాలుస్తుంది. రోజురోజుకు వేల సంఖ్యలో కొత్త కేసులు నమోదవుతున్నాయి. రాష్ట్రంలో గడిచిన 24 గంటల్లో 5,024 కరోనా పాజిటివ్‌ కేసులు నమోదు కాగా 175 మంది మృతి చెందారు. దీంతో మహారాష్ట్రలో మొత్తం కరోనా కేసుల సంఖ్య 1,47,441కి చేరింది. ఇప్పటి వరకు మొత్తం 6,931 మంది మృతి చెందారు. కరోనా బారిన పడి దవాఖానలో చికిత్స పొందుతున్నవారు 65,893 మంది.చికిత్స పొంది కోలుకున్న వారు 77,453 మంది ఉన్నారు. కరోనా నియంత్రణకు రాష్ట్ర ప్రభుత్వం పటిష్ట చర్యలు చేపట్టినా కేసుల సంఖ్య మాత్రం తగ్గడం లేదు. దీంతో ప్రజలు భయాందోళనకు గురవుతున్నారు.