హైదరాబాద్,(ఆరోగ్యజ్యోతి): కరీంనగర్ ఎంపీ బండి సంజయ్ తెలంగాణ రాష్ట్ర బీజేపీ అధ్యక్షుడిగా బుధవారం ఏప్రిల్ 29న బాధ్యతలు స్వీకరించారు. హైదరాబాద్‌లోని పార్టీ కార్యాలయంలో ప్రత్యేక పూజలు నిర్వహించి అధికారికంగా బాధ్యతలు స్వీకరించారు. బీజేపీ జాతీయాధ్యక్షుడు జేపీ నడ్డా మార్చి 11న సంజయ్‌ను తెలంగాణ బీజేపీ అధ్యక్షుడిగా నియమించారు. ఆ తర్వాత ఆయన ఢిల్లీ నుంచి హైదరాబాద్ చేరుకున్న సందర్భంగా భారీ ర్యాలీ చేపట్టాలని నిర్ణయించారు. కానీ కరోనా ప్రభావంతో దాన్ని రద్దు చేశారు.రాష్ట్ర విభాగం అధ్యక్షుడిగా బండి సంజయ్ పేరును అధిష్టానం ఖరారు చేశాక హైదరాబాద్‌లోని పార్టీ ఆఫీసుకు ఆయన అనేక సార్లు వచ్చారు. లాక్‌డౌన్‌ ముగిసిన తర్వాత బాధ్యతలు చేపట్టాలని భావించారు. కానీ పార్టీ పరమైన నిర్ణయాలు తీసుకోవాల్సి ఉండటంతో... బుధవారం బాధ్యతలు చేపట్టారు.ఈ కార్యక్రమంలో బీజేపీ ముఖ్యనేతలు లక్ష్మణ్‌, ధర్మపురి అర్వింద్‌, మోత్కుపల్లి నరసింహులు తదితరులు పాల్గొన్నారు.
